Novos cadernos sobre origens do movimento LGTB e o movimento operário na Galiza

Julho de 2009

Já estám disponíveis na secçom de documentos do nosso web dous novos cadernos editados por Xerfas ediçons. Os novos números da colecçom “Referentes para a Rebeliom Juvenil” estám dedicados ao movimento operário galego e à luita LGBT, continuando assim com a aposta que figemos por dotarnos de ferramentas feitas por e para @s jovens militantes.

O terceiro número, intitulado “Aproximaçom à História do Movimento Operário na Galiza”, vê a luz numha cojuntura de crise capitalista sem precedentes na que a classe obreira está a sofrer as suas conseqüências. É por isso que de BRIGA cremos mais necessário que nunca reparar na história do sindicalismo e da auto-organizaçom obreira galega, contribuíndo à recuperaçom da memória da Galiza mais rebelde.

O quarto caderno da colecçom é o que leva por título “28 de Junho. O combate contra a lesbigaitransfobia: Os distúrbios de Stonewall-inn em Greewich”. A publicaçom edita-se também num momento especial, pois neste ano o Dia do Orgulho LGBT nom se conmemorou nas ruas ainda que a ofensiva lesbigaitransfóbica segue colhendo força dia a dia.

BRIGA quer lembrar as origens históricas deste movimento, já que entendemos que a ofensiva do patriarcado e a burguesia exige encher as ruas de luita e combate pola visibilizaçom e polos seus direitos. É pois um exemplo a seguir, exemplo que se afasta da institucionalizaçom e instrumentalizaçom dos movimentos sociais polos partidos no governo.