366 dias de dissidência. 366 murais de subversom
A realidade nom mente. Pode ser mascarada, tergiversada ou ocultada polos amos do sistema, mas sempre está aí para quem tiver os instrumentos necessários e a vontade para conhecê-la e transformá-la. De nom termos os instrumentos necessários para a sua transformaçom, por muito empenho que ponhamos careceremos de pontaria à hora de tomarmos decisons, golpearemos umha e outra vez um muro que nom seremos quem de derruir, porque erraremos à hora de analisarmos o que é que está a ocorrer nessa realidade que nom mente, mas que está maquilhada e pervertida para benefício dos que tenhem o poder, com o objectivo de nos confundir e anular.[...+]
Em marcha campanha dos 366 murais de subversom
Desde o passado 12 de Agosto, coincidindo com a queda em combate do jovem patriota e comunista galego Moncho Reboiras, BRIGA puxo em andamento umha ambiciosa campanha de agitaçom que tem como objectivo a realizaçom de 366 murais reivindicativos. A campanha, que se desenvolve sob a legenda “366 dias de dissidência. 366 murais de subversom”, finalizará o 12 de Agosto de 2008 com a realizaçom do mural 365 num acto público.[...+]
Disponível na rede o novo número do XERFAS
BRIGA aproveitou as jornadas do 24 e 25 de Julho para pôr na rua o terceiro número do seu vozeiro nacional e desde já está também disponível na rede. Continuando com a linha dos números anteriores esta revista de formato original dirigida à juventude trabalhadora galega é distribuída de forma gratuita nos lugares de encontro da mocidade. Manifestaçons, concertos, centros sociais, bares... serám alguns espaços aonde chegará a voz da malta revolucionária. [...+]
Novo Centro Social independentista nasce na Corunha
Um novo “espaço plural e de confluência para @s que luitamos pola independência da Galiza” que tem o intuito de se converter “em mais um ponto de referência para a cultura operária e transgressora” está a ser gestado na cidade herculina tal e como tenhem feito público nas últimas semanas o grupo de pessoas impulsionador desta iniciativa. A luita polo socialismo, a aboliçom do patriarcado, o reintegracionismo lingüístico e o monolingüismo social ou o ecologismo som alguns dos aspectos assinalados polos responsáveis deste novo centro social corunhês no seu cuidado blogue recentemente inaugurado e cuja visita recomendamos. [...+]
Comunicado em solidariedade com a Revira
Na passada sexta-feira 10 de Agosto o Local Social da Revira de Ponte Vedra, situado na rua Arcebispo Malvar, era alvo dum ataque fascista ao ter sido incendiada a sua porta durante a madrugada. De BRIGA queremos expressar a nossa total solidariedade e apoio aos companheiros e às companheiras do Centro Social pontevedrês, cuja contínua actividade a prol da construçom nacional da Galiza só pudo ser respostada por estes elementos fascistas deste jeito, próprio de quem olha com impotência como o independentismo cresce e tem presença pública permanente na cidade. [...+]
Referentes para a rebeliom juvenil. Moncho Reboiras
Coincidindo com o aniversário da morte do jovem patriota e comunista galego Moncho Reboiras, XERFAS ediçons pom na rua o primeiro dumha série de quadernos que sob o título “Referentes para a rebeliom juvenil” adicaram-se a figuras ou feitos referencias para a mocidade revolucionária galega. O primeiro desta série de cadernos está adicado a Moncho Reboiras e consiste num pequeno texto no que tentamos aportar às e aos jovens militantes que hoje se achegam à luita nacional e social de género às chaves para entender a este personagem, que “em apenas umha década de activismo e militáncia política, logrou fazer-se cum destacado oco na memória d@s jovens galeg@s que hoje erguemos a bandeira da luita e o combate.”[...+]
BRIGA com a liberdade de expressom em Ferrol
Desta volta as ameaças e extersons aos que nos tenhem acostumado a AVT e o Partido Popular nom surtirom efeito, e o concerto dos italianos Banda Bassotti decorreu, tal e como estava previsto, o passado Sábado 11 de Agosto em Ferrol. Militantes do Grupo de Base de BRIGA em Ferrol distribuírom no concerto um panfleto denunciando a campanha protagonizada pola extrema-direita para impedir a celebraçom do concerto e o normal desenvolvimento das festas de Ferrol e um colante com a legenda “Fascismo nunca mais! Paremos ao PP e a AVT!. Defendamos a liberdade de expressom”, que tiverom umha mui boa acolhida entre @s mais de 1500 assitentes ao concerto.[...+]
Intervençom na homenagem a Moncho Reboiras
“Que importa que nos matem se deixamos semente de vencer” e “prefiro morrer de pé que viver ajoelhado” som duas frases que há tempo que @s jovens revolucionári@s galeg@s levamos tatuado no nosso espírito de luita. Porque @s revolucinári@s nom ficamos apenas com estes dous slogans ditos por ícones esvaziados de conteúdo polos que sempre soubérom que era impossível matá-los por muitas balas que receberam. Para nós, moços e moças da esquerda independentista galega dizer Moncho Reboiras é dizer compromisso, esperança, insubmissom. Berrar Che Guevara é berrar entrega, valentia, superaçom. [...+]
Constitue-se “Ponte Vedra Antitaurina”
Neste mês de Agosto, quando mais um ano chegam à vila do Leres as touradas, constituiu-se umha nova plataforma que pretende ser o começo da mobilizaçom popular contra este infame "espectáculo" espanhol. Ponte Vedra Antitaurina está conformada tanto por organizaçons e associaçons do tecido associativo ponte vedrês como por pessoas a título individual, destacando o componente juvenil na mesma. A saída à luz pública da plataforma fixo-se através dum manifesto no que se recolhem os pontos do ambientalismo e defesa dos animais, da crítica dumha "festa" antigalega vinculada ao fascismo e ao espanholismo e também da clara ligaçom com o machismo mais rançoso.[...+]
Extrema-direita recrudece ofensiva contra liberdade de expressom
A Associaçom de Vítimas do Terrorismo (AVT) e o Partido Popular ganham aliados na sua ofensiva contra a liberdade de expressom. Agora também a COPE parece empenhada em lograr a suspensom do concerto de Banda Bassotti que está programado para o próximo Sábado 11 de Agosto em Ferrol, junto com o grupo trasanques Retobato. Assim, e quanto mais se achega o 11 de Agosto, também os contertúlios estrela da rádio do nacional-catolicismo também se somam a esta nova ofensiva fascistoide adicada a pressionar ao governo municipal para que ceda a esta nova chantagem contra a liberdade de expressom.[...+]